Carmina Burana [antikvár]

I. DIE MORALISCH-SATIRISCHEN DICHTtJNGEN 1. Manus ferens munera pium facit impium; nummus iungit federa, nummus dat consilium; nummus lenit aspera, nummus sedat prelium. nummus in prelatis est pro iure satis; nummo locum datis vos, qui iudicatis. 2. Nummus ubi loquitur, fit iuris confijsio; pauper retro pellitur, quem défendit ratio, sed dives attrahitur pretiosus pretio. hunc iudex adorat, facit, quod implorât; pro quo nummus orat, explet, quod laborat. 3. Nummus ubi prédicat, labittir iustitia, et causam, que claudicat, rectam facit curia, pauperem diiudicat veniens pecunia, sic diiudicatur, a quo nichil datur; iure sic privatur, si nil offeratur. 4. Sunt potentum digiti trahentes pecuniam; tali preda prediti non dant gratis gratiam, sed licet illiciti censum censent veniam.